- H.O.S.T lyircs

Qaraqan - Bir

Hərdən məndən soruşurlar ki, dünyanı xilas etmək üçün sənə neçə nəfər lazımdır?
Mən onda cavab verirəm: Bir..

Gör necə gözəldi dünya,
Amma biz onu etmişik eybəcər..
Göy üzü, ulduzlar, günəş batsada yerinə ay çıxar gecələr,
Əl-ələ verin, dostlar, axı güc var hələ hər kəsi dəyişməyə..
Hərəyə bir sevgi, bir ürək, bir dünya bəs edər..

Bəzən bir gülüş bəsdi ki, ağbirçək anan sevincdən ağlasın,
Bəzən bir öpüş bəsdi ki, sürücü sevgiyə görə qatarı saxlasın,
Bir cibdəki quru qəpik, bir dilənçinin xoşbəxtliyi ola bilər,
Bir qara tütək, iki kor göz, kasıb bir ailəni tam saxlaya bilər,
Bir baxışla ömürlük sevərsən,
Bir məktuba sevgini qazanarsan,
Bir yalanla hər şeyi itirərsən,
Bir çiçəklə yenə geri qayıdarsan,
Bir küləklə yaşayar min gəmi,
Bir günəşlə yetişər min meyvə,
Min qeybət birləşsə, belə, qalib gələ bilməz bir sevgiyə..

Gör necə gözəldi dünya,
Amma biz onu etmişik eybəcər..
Göy üzü, ulduzlar, günəş batsada yerinə ay çıxar gecələr,
Əl-ələ verin, dostlar, axı güc var hələ hər kəsi dəyişməyə..
Hərəyə bir sevgi, bir ürək, bir dünya bəs edər..

Bir dərmana möhtac xəstə, amma bu gün onu almağa yox pulu,
Bir kitabla alimə çevirmək olar, adi bir fəhlənin oğlunu,
Bir böhtan bir təmiz qızı bir günün içində çevirər pozğuna,
Bir damla gözyaşı ilə bir qız bir oğlanı çevirəcək Məcnuna,
Bir sığalla yetimlər daha özlərini hiss etməz tək-tənha,
Bir zarafat, iki soyumuş dost, yenidən olacaq qardaş, doğma,
Bir budaqdan düşən almayla, bir dünya tam dəyişirsə,
Onda gör bir sən, bircə sən, bu dünyanı necə dəyişirsən..
(Nəqarət: Qaraqan)
Gör necə gözəldi dünya,
Amma biz onu etmişik eybəcər..
Göy üzü, ulduzlar, günəş batsada yerinə ay çıxar gecələr,
Əl-ələ verin, dostlar, axı güc var hələ hər kəsi dəyişməyə..
Hərəyə bir sevgi, bir ürək, bir dünya bəs edər..

Mənə bəs edəcək bir qələm ki, tənhalığımda sevgilim olsun,
Mənə bəs edəcək şahzadə baxışları ki, bu tilsimi qırsın,
Mənə bəs edəcək bir kərpic, dağılmış sarayı yenidən qurmağa,
Mənə bəs edəcək bir kömək əli, dar günümdə ayaq üstünə durmağa,
Mənə bəs edəcək bir dinləyicim, bilsəm ki, ona kömək olmuşam,
Mənə bəs edəcək bir qələm və bir qələmlə neçə düşmən vurmuşam,
Səni ruhdan salmasın dərdlər, onlar sadəcə bir ömürlük,
Bir xoşbəxt an sürəcək əbədi, yüz illik də bir günlük..
Bəzən dünyanı dəyişməkçün bir gülüş də kifayətdir..

Gör necə gözəldi dünya,
Amma biz onu etmişik eybəcər..
Göy üzü, ulduzlar, günəş batsada yerinə ay çıxar gecələr,
Əl-ələ verin, dostlar, axı güc var hələ hər kəsi dəyişməyə..
Hərəyə bir sevgi, bir ürək, bir dünya bəs edər..

Azad Azərbaycan..

(verse:Qaraqan)
Təsəvvür elə ki, sən doğulmusan Əfqanıstanda,
Ölüb yaxınların, sən də şikəst tək ayaqla..
Təsəvvür elə ki, sən doğulmusan Çeçenistanda,
Məktəb sinifləri, tüstü, bomba, güllə altında..
Şimali Koreyada, həm də təksən,
Həyatın qəfəslərdə, doğmalar torpaqda..
Düşün ki, Afrikada, tanınmayan bir ölkədə,
Ölümcül xəstəliklər, humanitar yardımlar..
Ya da ki, İranda, məcburi qara çadra,
Asılmaq, kəsilmək, əzilmək, şallaq, molla..
Təsəvvür elə ki, sən doğulmusan Ermənistanda,
Oyuncaq vətəndaşsan, yalan və yaltaqlıqla..
Ya da ki, Gürcüstanda, yox nə suyun, nə qazın,
Sən hər bir nəfəsinlə, qonşu dövlətlərdən asılı..
Ya da ki, doğulmusan sən kasıb Pakistanda,
Düşmənin kiçik Erməni yox, böyük Hindistandı..

(Nəqarət:Ayka)
Dəyişir insanlar, dəyişir zaman,
Amma hər an ürəyimdə Azərbaycan..
Mənim kiçik ölkəm, mənim böyük ailəm,
Mənim Vətənim, Azərbaycan..
Doğulur günəşi torpağından,
Güc alır budağı yarpağından,
Yox gözəl üçrəngli bayrağından,
Gözəlim, gözəlim, Azərbaycan..

(verse:PRoMete)
Təsəvvür elə ki, sən doğulmusan Fransada,
Tələbələr yandırır sənin BMW’vi..
Ya da ki, New Yorkda, göydələnin başında,
11 Sentyabr, sənin pəncərənə təyyarə gəlir..
Sən yaşaya bilərdin Fidel’lə Kubada,
Amma ki, ölkədən çıxmaq orda qadağandı..
İspaniyada öküzlər, Çikaqo qasırğalar,
Yaponiya zəlzələ, Tibetdə yenə dumandı..
Bəlkə sən istiyərdin yaşayasan Rusiyada,
Ölkənin çox hissəsi sərxoş və narkomandı..
Ya da Braziliyada, dağılmış bir ailədə,
Bilmirsən uşağın kim, ya da ki, hansınnandı..
Bu nə qərib zamandı, hər yer müharibələr,
Böyüklər pul qazanır, qan ağlayır körpələr..
Hər yerdə əxlaqsızlıq, cinayətlər kölgədə,
Amma ki, qorxmuram mən, hələ ki, öz ölkəmdə..

(Nəqarət:Ayka)
Dəyişir insanlar, dəyişir zaman,
Amma hər an ürəyimdə Azərbaycan..
Mənim kiçik ölkəm, mənim böyük ailəm,
Mənim Vətənim, Azərbaycan..
Doğulur günəşi torpağından,
Güc alır budağı yarpağından,
Yox gözəl üçrəngli bayrağından,
Gözəlim, gözəlim, Azərbaycan..

(verse:AiD)
İndi şükr elə ki, doğulmusan Azərbaycanda,
Var evin, var çörəyin, var ailən, var köməyin..
Təhsili bəyənmirsənsə, satışda kitablar var,
Hər şey səndən asılıdır, axtarma günahkarlar..
Dön geri, bax həyatına, gözlərin kor deyil axı,
İnkişafdadı ölkəmiz, amma cəmiyyət hələ də taxta..
Gəlin boş durmaqdansa, biz də dəstək olaq,
Axı biz vətəndaşlarıq, gəlin ölkəmizi quraq..
Hərədən bir kərpic, hərə bir ağac əkək,
Uşaqlar evinə yardım, ildə bir qan verək..
Düzdü var toz-torpaq, Bakı küləkli şəhər,
Amma hərə öz həyətini təmizlə hər yer təmizlənər..
Qayıdar Qarabağ da, bəlkə çatdırsaq dünyaya,
Məktublar forumlarda, xarici saytlarda..
Bura mənim vətənim, mənə ən doğma məkan,
Mənim azadlığım, bizim Azad Azərbaycan..

(Nəqarət:Ayka)
Dəyişir insanlar, dəyişir zaman,
Amma hər an ürəyimdə Azərbaycan..
Mənim kiçik ölkəm, mənim böyük ailəm,
Mənim Vətənim, Azərbaycan..
Doğulur günəşi torpağından,
Güc alır budağı yarpağından,
Yox gözəl üçrəngli bayrağından,
Gözəlim, gözəlim, Azərbaycan..

O dönəcək..

(Nəqarət:Ayka)
Tərk etdiyin o yerdə tək
Hər gün eyni ümidlə gözləyərək.

(verse:Feck)
Səni, səni tanımadığım yeni sənsiz vaxtlarımda sevmişdim mən.
Səni, səni fikirləşdiyim sənsizliyimdə kəşf etmişdim mən.
Səni dağ zirvəsi bilib ətəklərinə çox uzağdan gəlmişdim mən.
Səni zirvədən də yüksəkdə buluddan beşikde körpə kimi yatdığını bilmirdim.
Sən mənim üçün film deyilsən ki, gözlərim sənin sonunu gözləsin.
Baş rolunu oynadığımız bu filmin sonu hər kəsi kövrəltsin sevincdən.
Sən ölümümdə son, doğuluşumda ilk nəfəsim, artdı həvəsim
Yarı olduğumu səni görəndən sonra dərk etdim.
Sənlə əl-ələ gəzdiyimiz küçələrin toz-torpağı doğma
Sənlə oturub dalğasına baxdığım dənizin çirkabı doğma
Sənlə kədərini daddığım o həsrətin xatirələri belə doğma gəlir.
Sənlə yaşadığım sevginin qorxusu doğma, içimi dəlir.
Yadıma düşəndə ki, bu məsafələri dəf edərək yeni görüş gəlir.
Qəfəsə bağlanıb sanki zaman, sanıyələr uzanhauzan, uzanhauzan..
Sənə desəm ki, uzaqda gördüyüm şəhərin işıqları saxta gözəllik.
Zövq ala bilmirəm, sənsiz qala bilmirəm, ah tez geri dönsəm.

(Nəqarət:Ayka)
Tərk etdiyin o yerdə tək
Hər gün eyni ümidlə gözləyərək.(x2)
O dönəcək

(verse:PRoMete)
Səni məndən ayırsaydı ölüm bəlkə belə çətin olmazdı.
Hər gün səni fikirləşməzdim, daha rahat olardı içim.
Ağlayardım hər gün biraz, gözüm arxanca qalmazdı.
Şəkillərinə baxardım, qədər ilə razılaşmazdım.
Bir gün ya mətbəx bıçağı, ya da ülgüc dost olardı damarlara.
Bu tərəflərdə səndən ayrı qalmazdım. Amma nə yazəı ki, yazı başqa
Sağsan və məndən ayrı.ona görə başqa fikirlər fırlanır başda.
Səni öldürmək hissi keçir içimdən. Buna görə, günəshim, məni bağışla.
Sənə yönləndirdiyim cavabsız çağırışlardır yəqin işlərivin tərs getməsinin tək səbəbi.
Qarşısın ala bilmirəm artıq artan əsəbin. Mən nə deyim ki, xoşuva gəlim?
Deyim ki, "Səni artıq sevmirəm", özümə yalan danışa bilmirəm, bunu məndən yaxşı bilirsən.
Yoxsa deyim "Səni dəlilər kimi sevirəm"? Yox! Səni səndən çox sevəcək qədər ağıllıyam
Bunu bilirsən.
Ya da mobil telefon, hələ de adıvın sonunda "m" hərfi durur.
Sadəcə mesaj yazacaq qədər mənlik balansımda yoxdu qürur.
Tüpürmüşəm zamanla əlaqəli bütün aforizmlərə, "Zaman unutdurur" kimi boş sözlərə.
Ya da ki, "Sevgilinə görə, sevgiyə görə çalışmaq lazımdı" kimi xoş sözlərə.
Şablonlardan uzaqlaşmışdım sənin nə olduğunu dərk edəndə.
Ya da ki, hamıdan fərqli,"Sən get, mən otururam" deyib məni tərk edəndə.
Sənin deyərək-gülərək keçirdiyin günlərdə mən hələ də "Necəsən?" soruşanlara cavabda deyirəm "Belə dəə".

(skit)
Əgər sən qarşılıqlı məhəbbətsiz sevirsənsə, yəni sənin sevgin bir sevgi olaraq cavab sevgisi doğurmursa, bir sevən adam kimi sən həyatı təzahürü üzrə sevdirə bilmirsənsə onda sənin sevgin gücsüzdür. Bu.. Bu bədbəxtlikdir

(Nəqarət:Ayka)
Tərk etdiyin o yerdə tək
Hər gün eyni ümidlə gözləyərək.(x2)
O dönəcək

Siz..

(verse: AiD)
Sizin üçün ömür yoxdur, sizin üçün əyləncə var..
Sizin üçün vaxtı öldürüb hər gün sülənmək var..
Sizin üçün məqsəd yoxdur, beyinə yeridilən düşüncə var
Sizin üçün xırda uğuru şişirdib onunla öyünmək var
Sizin üçün vətən yoxdur, sadəcə bekarçılıq
Patriot qruplara qoşulmaqdı iş gücünüz
Təsbəyi fırlatmaqla deyil brat orda-burda
Bir qıza sms yazanda açılır iç üzünüz
Sizi mən tənqid etmirəm ki, nəyivizsə dəyişsin
Zibil ətrafda çox olmalı ki, bu güllər də seçilsin
Sürünən hər bir insan, niyəsə sayılır yaxşı biri
Kimsə varlanıbsa pis insandı mehv edilsin
Siz ancaq seriala baxırsız boşluğu doldurmaq üçün
Siyasətdən danışırsız, ozüvüzü doğrultmaq üçün
5 dəqiqə ciddi söhbət sizə bəsdir yorulmaq üçün
Mən bəlkə hər şeyi verərdim təzədən doğulmaqçün

(Nəqarət: AiD)
Bağla gözləri, açıqdı urəyimiz
Özünə güvəndi bizim koməyimiz
Günəşi göstər, varsa dünyada
Yoxdu ədalət bütün dünyada(x2)

(verse: AiD)
Sizin üçün sevginin də nifrətin də ömrü çox qısa
Siz ömürlük dostluğu dəyişirsiz pozğun bir qıza
Sözlərim yadda qaldısa bəs etmir əməl lazımdı
Məqsədə çatmaq üçün bugün düzgün təməl lazımdı
Siz bugün nə var onunla razılaşıb yaşayırsız
Nəyisə bəyənməsəz uzaq başı deyinirsiz
İçindən bixəbər olduğunuz yükü daşıyırsız
Hər gün məcbur kostyum adlı kəfəni geyinirsiz
Hörmət istəyib hörmət nədi bilməyən yaşlılarsız
Zəmanə uçurumunda asılı qalmış cavanlarsız
Başqa həyatdan kömək istəyən gözü yaşlılarsız
Siz xəbərlərə baxıb hər şeyə inanan insanlarsız
SPİDə yoluxmuş insan sayından çox təşkilat var
Məqsədi grand olan yüz cür saxta təbliğat var
Gözdən pərdə asmaq üçün yalançı təqdimat var
Özündən razı deməli cibdə artıq 1 manat var

(Nəqarət: AiD)
Bağla gözləri, açıqdı urəyimiz
Özünə güvəndi bizim koməyimiz
Günəşi göstər, varsa dünyada
Yoxdu ədalət bütün dünyada(x3)

Mən qayıdacam,Can..

(Verse:PRoMete)
Kömək üçün uzanan hər əl geri boş dönür
Nəsə hər kəs agressiv, elə bil azalıb, sevgi sönüb
Yada kölgə boy atıb
Üstümüzdə haqqı olan hər kəs nəsə çox minnətbaz olub
Daha çox minnətdar olum
Daha çox çalışım gərək cənnətdən olum
Yoxsa ki zülm-i cəhənnəm burda da var
Orda da bunu daşımalı olacaq bu boyun
Bu oyun heç-heçəyə qalmır heç vaxt
Bura necə gəlmisənsə eləcə də ora gedəcəksən
Sən öl hələ səni sevəcəklər, bəlkə heykəl də qoydular
Amma hələ ki, döz, qoy dərivi də soysunlar
Diri-diri basdırsalar da əsas dastan qoşsunlar

(Nəqarət: Miri Yusif; AiD)
Ürəyim tək deyil - parçalanmış qəlblər arasında
Həyat mənə güc verir - o xoşbəxtdi, ancaq, yuxusunda
Bu hisslər fikirlər ancaq mənə döz deyir,
Amma, mən yaşayacam...

(Verse: AiD)
Həyat hər açıdan bir cür görünür
Əslində necə düz görünür
Əyri yolları gedən biziksə
İtən biziksə, səbəbkar kimdi?
Qorxmuram ki, bitər sözlərim
Bitməz nə qədər görür bu gözlərim
Yanındayam, ürəyini sıxma
Hara getsəmdə bil qayıdacam
Cizgilərim çox vaxtsız qocalır saralan yarpaqlar kimi
Qəlb günahsız uğrunda qanlar tökülən torpaqlar kimi
Sən gül hələ, sən yaşa hələ
Gözlərini qırpma gün düşsə belə
Vaxt ötsə belə, gec deyil yaşamaq
Gör nə qədər sənə inanlar var

(Nəqarət: Miri Yusif; AiD)
Ürəyim tək deyil - parçalanmış qəlblər arasında
Həyat mənə güc verir - o xoşbəxtdi, ancaq, yuxusunda
Bu hisslər fikirlər ancaq mənə döz deyir,
Amma, mən yaşayacam...

(Verse: L-Mir)
Biz hələ çox şeyi verəcəyik qurban, əsas olanı dərk etmək üçün,
Axtaracayıq bəhanələr, vətənimizi tərk etmək üçün.
Hələ çox şey qalacaq xəlvətdə, üzdə ola-ola,
Çəkəcəyik cəza, günah əlbəttə sizdə ola-ola.
Bakının havası hər dəyişdikcə, bil sənin də dəyişəcək donun,
Marağlıdır görəsən nə cür qalacağsan yaddaşında onun.
Sabah bizi xatırladan bir şey olacaqsa onda lağ-lağ lətifələrdir,
Gözündən tək yaxşılığın gəlir, Bakı, kaş yaş gələrdi.

(Nəqarət: Miri Yusif; AiD)
Ürəyim tək deyil - parçalanmış qəlblər arasında
Həyat mənə güc verir - o xoşbəxtdi, ancaq, yuxusunda
Bu hisslər fikirlər ancaq mənə döz deyir,
Amma, mən yaşayacam...

Yadıma düşəndə, gözümdən düşəndə, səmadan düşəndə
Mən qayıdacam, can...

Çağırdım..

(verse: AiD)
Hər keçən günün sonunda, eyni səhərlərdən bəhs edəndə,
Süni günlər, solğun üzümə süni gülüşü geydirəndə.
Düşündüm səhvmi, qurulub görən daim dönən dünya,
Etdiyi fəlakətlərlə insanları söyən dünya.
Fərqi yox, pessimist, optimist mi mövzularım,
Dərin sayılan arzularım, dayazlaşdı sən gedincə.
Gözümü çox çirkin səhnələrdə qapalı saxlamışdım,
Gözüm yumulu qaranlıqda, göz yaşına büründükcə.
Qısa metraj filmlərdə baş rollar yadda qalmır,
Bunu bilirdim amma həyatımız bütöv zənn edirdim, yanıldım.
Yenə də qırıq qəlbi yeni bir sevgiliylə bərkitmək istəmişdim,
Göz yaşları yolumu kəsdi, ağladım, sevmək qırıq qəlblə necə də çətin bir iş.
Qəmli dönüş, addımlarda həvəs yoxdu(ümid yoxdu)
Saxladım özümü, son nəfəsin intizarıda məni çox sıxırdı,
Yoluma son, yoluma davam çaşıb qaldım.

(Nəqarət: Gula)
Mən həyatımı yenidən yaşamaq istədim,
Ölüm astanasında.
Mən güzgüdəki qəm kədərimi gizlədim,
Gözümün qarşısında.
Mən sənsizlik hissi nədi bilmədim,
Şirin yuxularımda.
Mən çağırdım sevərək səni səslədim,
Sənsə yox oldun o anda.

(verse: AiD)
Gördüyüm o gözəl gözlər, qəlbinlə ayaqlaşmır
Deyilən o xoş sözlər, əməldə reallaşmır
Nə vaxt ki, qəmli hisslər nəğmələrimə qonaq gəldi
O təmiz məhəbbətin ləçəklərini önümə sərdi
Bir qədər rahatlaş sən, üzüntü səbəbsizdi
Bu dünya qəddar amma təslim olmaq gərəksizdi
İntihar ölmüş ruhun azadlığının əks sübutu
Günəş yaxınlaşanda gülən gülün üzündə qorxu
Əynində bəyaz libas, cizgilərin çox cəlbedici
Tək gülüşündü miras, qalanlar sənlə gedəcək
Sevgi də ölüm kimidi çox vaxtsız və xəbərsiz gəlir
Boş otaqda tək-tənha, burunda tanış ətir
Deyirsən haqsızlıq dünyası, dünya necə etsin ki?
Axır ki, insanlar da qarşılıqsız sevə bilsin
Düz yollar Allahın işi, döngələri şeytan yaratdı və
Mələk gözlü gözəl son addımını döngədə atdı

(Nəqarət: Gula)
Mən həyatımı yenidən yaşamaq istədim
Ölüm astanasında
Mən güzgüdəki qəm kədərimi gizlədim
Gözümün qarşısında
Mən sənsizlik hissi nədi bilmədim
Şirin yuxularımda
Mən çağırdım sevərək səni səslədim
Sənsə yox oldun o anda

(verse: AiD)
Son seçim edilib artıq səhvmi, düzmü önəmsizdi
İndi gözəlliyindən yazan şair qələmsizdi
Son illər onun həyatı çox dəyişdi
Amma həyat hələ də eyni
İlk addımda həyəcan, amma son dayanacaq hamıya bəlli
İzdiham, qəlbdə yaranıb akustika döyüntülərinin əks sədası
Sevginin də qoyulub artıq son nidası
Mistika yuxu olaydı kaş ki, burda epizodik bir hal belə
Bu reallıq bu qəlbimçün çox ağırdı
Kim üçünsə ilham pərisi yanan roma, mənəsə o gözlər də bəsdi demişdim
İndi o gözlər yumulub artıq yaş artdıqca dünya dəyişir baxış açımda
Yalanlar üzə çıxır, ümidlərsə indi dar ağacında
Kölgələrimin ən sevimli duyğusuydu əl-ələ qaçıb gizlənirdik günəşdən
Onlar qeyb olurdu
O vaxtlar mənə yad idi bu hiss, indi fikirləş
Mən kiminsə kölgəsi, sənsə o kölgəni batıran günəş

(Nəqarət: Gula)
Mən həyatımı yenidən yaşamaq istədim
Ölüm astanasında
Mən güzgüdəki qəm kədərimi gizlədim
Gözümün qarşısında
Mən sənsizlik hissi nədi bilmədim
Şirin yuxularımda
Mən çağırdım sevərək səni səslədim
Sənsə yox oldun o anda(x2)

M..

(Skit: AiD)
Böyük arzulara gedən yolda,
Xırda addımlarla sən və mən.
İndi bir ürəyin içində ayılsaq da qanadlarla.
Mənim ilk not dəftərim başlamışdı təbəssümlə.
İtdi gülüş, vaxt ötdükcə kobud oldum hər sözümdə!

(verse: AiD)
Qurularkən gələcək mən hələ o vaxt körpə idim!
Arzular evciyində gözəgörünməz nəğmə idim!
Bir dünya, çirkli məkan və təmiz uşaq qəlbi.
Yoxluğun qorxusunda yaşayırdım istək idim!
Kələk idim, sənin dilinə qonurdum mən hər görüşdə!
İşıq idim, öz gözümdə görünürdüm hər dönüşdə!
Gülüş - döyüş səhnəsində təsadüfdü bunu bilirdim!
Amma yenə də gülüşlərin görünür həyat döyüşündə.
Bircə məktubum - oda ki, çatmamışdı uzaqlara!
İsti öpüşüm, son anda qonmamışdı yanaqlara.
Tənha idim, amma ki, yoxluğun ayrı bir həyat idi!
Və bilki o həyatda...

(Nəqarət: Ayka)
Sən ümidsən! Həyatımdan gedirsən!
Ağacıma tək budaqsan!
Dərində bir bulaqsan! Səni tapacam mən!
Sən yağışsan! Yanağımdan yağırsan!
Bəzən arzulara qanadsan!
Sən ayrı bir həyatsan!
Bir həyatsan...

(verse: AiD)
Mənə bir nağıl danış!
Mənə bir nağıl danış, həyatımız tək ağır olsun!
Mənə bir gülüş ver ki, bütün dünya paxıl olsun!
Sən ol mələk, mən əlçatmazlığınla barışım!
Sən ol arzu, mən təkcə varlığından danışım!
Sən ol xəyanət, mən sənin səbəb olduğun ayrılıq.
Sən ol günəş, mən səndən yaralı qalan qaranlıq.
Əlimdə var qələm, amma ki, mən deyiləm rəssam!
Odur ki, ol bircə hərf divarda rahat çəkə bilim səni mən!
İstəmə heçnə, yaşa, ol mənim ilham pərim!
Dəniz dalğaları ilə qoy rəqs etsin əllərin!
Qısqanmıram, bu axı surreal dünya!
Bəlkə də nağıldı hər yan və biz yeganə dünya!
Sevginin bu qədər mümkün olduğu bir gündə,
Bircə gülüşün kifayətdir ki, gün tamamlansın!
Mənim səndən uzaqda qalacağım günlərdə!
Gözlərim uzağı görsün və daim səni axtarsın!

(Nəqarət: Ayka)
Sən ümidsən! Həyatımdan gedirsən!
Ağacıma tək budaqsan!
Dərində bir bulaqsan! Səni tapacam mən!
Sən yağışsan! Yanağımdan yağırsan!
Bəzən arzulara qanadsan!
Sən ayrı bir həyatsan!
Bir həyatsan...

Sən ümidsən! Həyatımdan gedirsən!
Ağacıma tək budaqsan!
Dərində bir bulaqsan! Səni tapacam mən!
Sən yağışsan! Yanağımdan yağırsan!
Bəzən arzulara qanadsan!
Sən ayrı bir həyatsan!
Bir həyatsan...

Biz insan deyilik..

(verse: AiD)
Sürücü gözündə üstündə 20 yazılı bir qəpik
Rəqibimiz gözündə adi yaxşı ya da ki pis təpik
Müəllimin gözündə parta arxasında bir obyekt
Jurnalist gözündə sual-cavab adi bir anket
Bankirin gözündə kredit, bir illik, on illik
Sığorta işçiləri gözündə pul əvəzində əminlik
Dərinlik neft çıxartma institunda bir boruq
Biz kimik, kiminçün üstündən keçiləsi bir yoluq
Biz kimik ki, əbədi gözəlliklər içdə bir ləkə
Üstünük biz elə düşünürük odu ki, nəfsimiz yekə
Bəxtimiz, ümidimiz bağlı daim bir tükə
Qoşulmuşuq kainatda insan adlı bir yükə
Adamyiyən yığımı sanki bütün şəhər, bütün ölkə
Onların gözündə düzdü biz də yağlı bir tikə
Görən varmı təhlükə, gecikməmiş tez qaçsaq
İnsan deyilik mövzusunda söhbəti biz açcaq

(Nəqarət: Jamal Ali)
Yüz sədd var yollarımda, düz səhv var mənim ağlımda
Ayaqlarımda hələ güc var, zirvəyə tərəf sürünməyə yetər(x2)

(verse: AiD)
Yenə də mən dilimin ucuna sözümü düzürəm yüzünün üzünə deyirəm
İstər əbədi, istər ani fikirlərdə mən tək üzürəm, bir əlimdə əlcəyimlə
O biri əldə mikrafonla, həyatım adlı marafonda, heç bir taxta həris olmuram
Qayıdaq söhbətə, biz kimin gözündə nə yerdəyik
Bəzi valideynlər gözündə iş birliyinə vasitəyik
Sənin qızın, mənim oğlum, göbək kəsdi, verdi, getdi
Elə bil ki, insan deyil, personajdı - sega, dendy
Ağıl deyil başda fendi, qızların çoxu manikendi
İnstituta gedir evlənməkçün, sino gedir sülənməkçün
Qeyrət hissi dirilib indi, təklənib və döyülüb indi
Siqaret boyda düdüklərdə siqaret çəkib böyüyüb indi
Görünüb indi, nəhayət qollarımda qanadlar
Yerə mi endi fəlakət adlı gəlmə qonaqlar?
Kanallar, qoy bu söhbəti çəkməsin!
İnsan deyilik mövzusunu efirə verməsin!

(Nəqarət: Jamal Ali)
Yüz sədd var yollarımda, düz səhv var mənim ağlımda
Ayaqlarımda hələ güc var, zirvəyə tərəf sürünməyə yetər(x4)

Hisslər danışanda..

(Verse: AiD)
Yorulmuşdum, fikirləri beynimdə gizli saxlamaqdan,
Baxıram özümə hərdən qıraqdan,
Axı bu qədər vecsizlik, bir addım uçurumdan,
Dəfələrlə kömək istəmişdim sabahdan..
Qaçıram günahdan, növbəti günaha doğru,
Əllərim yaxınlaşır hər gün silaha doğru
Təlaşa səbəb varmı buranın vəziyyətindən?
Bəzi şəhərlərdə ümumiyyətlə günəş doğmur..
Qəlbim güzgü kimidi, sındırıldıqca dərd gətirir,
Amma ki indi qorxu yoxdu,
Çünki, iynə batsa artıq çıxartmağa qanda yoxdu,
Səhərlərdə əlimi açmağa duam yoxdu..
Artıq sual yoxdu, yeqanə maraq idi,
Eşidən mən deyildim, bu iki qulaq idi,
Sənin soraqlarınla tələsən gözlərimdi,
Ürəyimi kimsə döyür, deyəsən hisslərimdi..

(Nəqarət: Ayka, PRoMete, AiD)
Biz.. Qoruya bilərikmi sevgini?
Bitirə bilərikmi nəğməni?
Yadında saxla bu əlləri.. (Səni isidən..)
Mən.. Sənə doğma xal kimi yanaqda,
Eyni vaxtda iki qulaqda,
Səs kimiyəm bu otağda.. (Səni sevdirən..)

(Verse: AiD)
Düşün, necədə qəribə olar, insan olsaydı bulud kimi,
Baxırsan, şəffaf və gücsüzdü..
Amma ki günəşin qabağını təkcə o ala bilir..
Insan isə aciz, itirmədən darıxa bilmir..
Qabağın ala bilmir, adi pislik etmək istəyinində,
O ki qaldı bəşəri məsələlərə..
Bu haqqda danışmıyım heç..
Kimə lazımdı dünya ?
Hamıya kifayətdi onun kiçik çərçivəsi..
Sevginin tərcüməsi.. Görəsən nədi axı?
Mənasın heç kim bilmir, amma ki hamı danışır..
Gözlərin yumur baxır.. Əslində qaranlıq görür,
Amma ki uydurur ki göyərçinlər uçur burda..
Məndə bu siyahıda, xəyallar üzrə mütəxəssis,
Realda olmayanlar burda alınır köməksiz..
Yenə öz qəhəri ilə sözümü kəsən kimdi?
Həmişə olduğu kimi deyəsən hisslərimdi..

(Nəqarət: Ayka, PRoMete, AiD)
Biz.. Qoruya bilərikmi sevgini?
Bitirə bilərikmi nəğməni?
Yadında saxla bu əlləri.. (Səni isidən..)
Mən.. Sənə doğma xal kimi yanaqda,
Eyni vaxtda iki qulaqda,
Səs kimiyəm bu otağda.. (Səni sevdirən..)

(Verse: AiD)
Cənnətin göz yaşıdır əlimə düşən damcı,
Bezib artıq insanların yolunu gözləməkdən..
Sıxıntı mı, depressiya mı ürəyimdəki sancı?
Niyə biz yaxşılıq eləyirik ancaq savab xətrinə?
Zibilin içində işləyirik sonda zibil almaqçün,
Nəyə gərək bu illər böyüyüb zibil olmaqçün?
Ondansa körpə qalardım və heç nə bilməzdim,
Heç nə də etməzdim ki, desinlər səhvsizdi
Cəmiyyətin içinə girdikcə baxıram çirklənmiş üzlərə
Sevgini rəngləyən sözlərə, həyatdan doymadım..
Həyatdan doymadım, doymadım süz yenə..
Beyində fikirlər addımlara tərs yenə,
Sənin o baxışların ömürlük bəs mənə..
Edirdi qəsd mənə,səbəbsə gözlərindi,
Kimsə son qoyur artıq, deyəsən hisslərimdi..

(Nəqarət: Ayka, PRoMete, AiD)
Biz.. Qoruya bilərikmi sevgini?
Bitirə bilərikmi nəğməni?
Yadında saxla bu əlləri.. Səni isidən…
Mən.. Sənə doğma xal kimi yanaqda,
Eyni vaxtda iki qulaqda,
Səs kimiyəm bu otağda.. Səni sevdirən…
Sus..Pıçıldasın qoy gözlərin,
Yadıma düşər məni üzməyin,
Göz yaşlarımda üzməni.. Qızıl balıq kimi
Yaxınlaş..Üzündəki o qırışlar,
Cavanlığını sənə bağışlar,
Təsirsiz olub yağışlar.. Kiçik bir arx kimi

Manya Kərimova..

(Verse: AiD)
O deyir bu həyat düzələr yenə
O sevin o gözdən süzülər yenə
Onun ən sonuncu günləri xoşbəxt quşlar qatarına qoşular yenə
O solan həvəsi cücərər yenə
O rahat yatacaq gecələr yenə
Biləcək bu həyatda gərəkli insandı, bir gün güləcək yenə
Bakı, səndən uzaqlaşdıran şoseylə
Maşında HOST, qulağımızda Krecin nəğməsiylə
Yolumuz Şamaxı istiqamətində füsunkar duman, mühərrikin səsi, diksinirdi dincələn botanika
Bir az var dinamika yarpaqlar əsir, buludlar bezir, yol uzanır, uzandıqca beyin bezir
Hiss edirik saniyələr ömrümüzdən gedir, ağacları döngələri saya-saya
Bu yolumuzun tək səbəbkarı olan şəxs
Onun üzünə həyatı bir qədər kobud və biraz tərs
Son dərəcə inamsız, o artıq Allaha da qarşı
Həyatından narazı bu yaşda həyata qarşı
Ömrünü həsr etmiş xalça toxumağa, vaxt ayırmamış yazmağa, oxumağa
Kəndin ən ucqar ucunda mövcud xalça fabriki
Onunla eyni qocaldı, köhnəlib söküldü amma vaxt vardı ki
O barmaqlar iynələrlə möcüzələri həyatı keçirib fəxr edirdi əsərlərlə
Zibilə qalsın burokratiya sökülsün! Əmri verən o əllərdə bu işə sərf edilmiş o illərdə
Boşa mı getdi görən tək bir işdi əlindən gələn
Hər insanın öz marağı yaranır həyata gələndən
Onun marağı incəsənət, gözəllik yaratmaqdı
Bizim işimiz sadəcə dinləməkdi

"40 il əvvəl mən də cavan idim
Mənim də öz arzularım var idi
Çoxu indi heç yadıma da gəlmir
Bir neçə rəfiqəmlə həyatdan danışardıq
Bəziləri yoxdu indi, bəzilərisə köçüb artıq
Heç vaxt düşünmürdüm ki, gedim mən də şəhərdə yaşayım
Bilirsən, kənd yeri elə bil ki, ayrı dünyadı
Hamını tanıyırsan, xeyir-şərini bölüşürsən
Axşamlarsa bir həyətdə yığışıb gülüşürsən
Qızımı ərə vermişəm artıq, indi o Bakıda yaşayır
Hər dəfə deyir amma nəsə yadımda qalmır haradı
Sağolsun bayramlarda gəlir mənim qayğıma qalır
Həmin o xoşbəxt saniyələri zaman əlimdən alır
Çox böyük sürətlə gedir o qatarlar
Hansı ki, adi gülüşü bahasına satarlar
Nə edim mən ki adi insan doğulmuşam
Mən də bu maddiyat bataqlığında boğulmuşam
Yerinə tikilər yəqin otel ya da elə bir şey
Nəyimə lazımdı yaddaş unudulacaqsa hər şey
İnanırsan 60 il bəlkə ondanda çox
Mən burda sevinc qarşılığında həyat verdim
Ömrümdən kəsib illəri çoxuna dayaq verdim
Cavanlıq günlərimi bu xarabaya mən qurban verdim
Hər dəfə cavab verdim qoca gözlərimin sualına
Öz ölüm məktubumu, pıçıldadım qulağıma"
Bəlkə daha sadədi hər şey
Sadəcə həyatda kiminsə bəxti gətirir, kiminsə yox
Axı ola bilməz ki, hamıda hər şey yaxşı olsun
Kimsə xoşbəxtsə gərək kimsə bədbəxt olsun
Adi bir insan idi amma böyük ürəyi vardı
Bayırda yay havası, dağlarınsa başı qarlı
Həmin o qadına doğma torpağında yer verildi
Sökülən fabrikinsə yerinə məktəb tikildi

Bəlkə də nə vaxtsa..

(Nəqarət: Ayka, AiD)
Çox ağladı gözlərim
Buz bağladı əllərim
Bu şəhərin yalanlarında
Eşidilmədi sözlərim(x2)

(Verse: AiD)
Yaşamağa həvəs yoxdu həyat əzbər bildiyim film
Sonda soruşsalar ki, necə yaşadın bilmirəm nə deyim
Həyat testlə tərs, daha pis 1 səhv 4 düz aparır
Hər bir yalan insandan daha neçə üz aparır
Kim gündüz darıxır, qaranlıq həsrətində
Üzündə nur yaranır sevgiyə nifrətində
Nə vaxtsa uçanda düşündüm ki, qanadım olarsan
Mən indi səmadayam, amma yıxılıram
Bəlkə də saraydayam, amma sıxılıram
Bu dünya hələ də nəsə demək istəyir, amma anlamıram
Getmək çox çətindi camaata əks tərzdə
Amma yenə də heç bir ümidi kiməsə bağlamıram
Bitir ot daş üstündə, bu əzmin nümunəsi
Quruyub yaş gözündə, bu dərdin büruzəsi
Açılar bəşəri sirlər hamıya şübhəm yox
Bəlkə də nəvaxtsa, amma bu gün yox

(Nəqarət: Ayka, AiD)
Çox ağladı gözlərim
Buz bağladı əllərim
Bu şəhərin yalanlarında
Eşidilmədi sözlərim(x2)

(Verse: AiD)
Həyatdan alınan yaraları sağaltmaqdı indi tək maraq
Qisas hissi ürəyi bürüyür sevgini aldadaraq
Kim bilir kimin içini,dostunun dünyasını
Həyat gedir, günləri zaman odunda yandıraraq
Başımızı qaldıraraq istəyirik kömək göydən
Çünki uzaqdayıq özümüz öz ürəyimizdən
Bir qədəh iki əldə, ciddi səbəb durub öndə
Dərdləri unutmaqçün, gedirik özümüzdən
Bəlkə də yalan deyil dünya
Sadəcə hərənin öz həqiqəti
Kiminsə doğrusuyla kimsə razı deyil qəti
Şəkər və duz gətir
Bəlkə onunla dəyişdik həyatın ləzzətini
Kiminsə iç üzünü aç, artırıb şöhrətini
Ya da ki əlindən al bütün var-dövlətini
Danışacaq susanlar da bir gün şübhəm yox
Bəlkə də nə vaxtsa, amma bu gün yox

(Nəqarət: Ayka, AiD)
Çox ağladı gözlərim
Buz bağladı əllərim
Bu şəhərin yalanlarında
Eşidilmədi sözlərim(x4)

Hərb və Sülh..

(verse:Qaraqan)
Tüstülər, Bombalar uçur uşaqların üstündən
Ağrılar, Güllələr axı bunlar nəyin üstündə?
Nəyə gərəkdi müharibələr?Nəyə gərəkdi sərhədlər?
Nəyə gərəkdi fərqli ölkələr? əgər dünya biridisə?
Nəyə gərəkdi rəngli əskilər və himnlər?
Nəyə gərəkdi irqçilik? Fərqli, eyni dinlər?
Nəyə gərəkdi türmələr? ora düşür kasıblar
Ya da ki cəmiyyətin sındırdığı insanlar
Bir nəfər öldürən qatil, yüz nəfər öldürənlər qəhrəmandı
Nərdivandı həyat kimsə qalxdı,kimsə geridə qaldı
Nəyə gərəkdi pul? əgər yemək çatırsa hamıya
Niyə kiminsə beş saray kimsə qalır daxmada?
Niyə qızlar sevilir pulnan? Niyə oğlan seçilir işnən?
Niyə valideynlərin də pul yığmaqdı toy günü beynində
İki əlim, iki ayağım, iki gözüm ama ürək təkdi
Hər şey çox mürəkkəbdi!
Hər şey çox mürəkkəbdi!

(Nəqarət)
Rübabə Muradova

(verse:Qaraqan)
Tüstülər, Bombalar uçur uşaqların üstündən
Şikəst körpələrin davası bir çomaq üstündə
Nəyə gərəkdi ədalət? Əgər boş nağılsa
Necə deyim səma təmizdi göydən qan yağırsa
Nə qədər pul? Nə qədər qul? Nə qədər göz? Nə qədər dil?
Nə qədər sus? Nə qədər dinmə? Nə qədər bilmə? Nə qədər sil?
Nə qədər öz xaçım qanlı yaralar açacaq çiynimdə?
Nə qədər sətirlər misralara daşacaq beynimdə?
Sevgi qaçacaq qəlbimdən.Yalan açacaq gözlərimi
Ruhum donacaq dərində.Gözlər satacaq sirlərimi
Sən də atacaqsan bir gün məni. Unudacaqsan dediklərimi
Tətiklərivi tənqidivin bir gün üzümə çaxacaqsan
Tikəcəklər, sökəcəklər qalan yenə də toz torpaq
Deyəcəklər , güləcəklər çox asandı qul olmaq
Taxtın üstü asılı qılınclar, buna ürək gərəkdi.
Hər şey çox mürəkkəbdi!
Hər şey çox mürəkkəbdi!

(Nəqarət)
Rübabə Muradova
Əcaba neyçün cahana gəldim yaar